සුපිරි කැමරාවක් සමඟ එන අළුත්ම google ස්මාර්ට් ෆොන් යුගලය

ගූගල් සමාගම විසින් ඔවුන්ගේ නවතම ජංගම දුරකථන දෙක වෙළඳපොලට නිකුත් කිරීමට සැරසෙනවා. Pixel සහ Pixel XL ලෙස නම් කර ඇති මෙම ජංගම දුරකථන බැලූ බැල්මට ඇපල් iPhone ජංගම දුරකථනයකට සමාන බවක් දක්වනවා.

ස්මාර්ට් ජංගම දුරකථනයක මෙතෙක් ලබා දී ඇති හොඳම තත්වයේ කැමරාව මේ සඳහා යොදා ඇති අතර මෙහි පසුපස කැමරාව megapixel 12.3 වන අතර ඉදිරිපස කැමරාව megapixel 8ක් වන බව සඳහන්.

මෙම දුරකථන සඳහා 4GB RAM මතකයක් හා 32GB -128GB  Internal මකතයක් ලබා දි තිබෙනවා. Android Nougat 7.1 මෙහෙයුම් පද්ධතියකින් මෙය ක්‍රියාත්මක වන අතර  මෙහි බැටරිය විනාඩි 15ක කාලයක් චාර්ජ් කිරීමෙන් පසුව පැය 07 ක කාලයක් භාවිතා කල හැකිවීම විශේෂත්වයක්.

Google Pixel සඳහා අඟල් 5ක ද Google Pixel XL සඳහා අඟල් 5.5ක ද  Display එකක් ලබාදි තිබෙනවා. කළු සහ රීදී වර්ණයෙන් ද සීමිත ප්‍රමාණයක් නිල් වර්ණයෙන්ද නිකුත් කිරීමට සැලසුම් කර ඇති අතර 2016 ඔක්තෝබර් 13 ඉන්දියාවේදී මෙය පළමු වරට වෙළඳපලට නිකුත් කරන බව ගූගල් සමාගම පවසනවා.