විදුලි වේගයෙන් තට්ටු 127ක් ගමන් කරන ලෝකයේ වේගවත්ම විදුලි සෝපානය

චීනයේ ෂැංහයි ගොඩනැගිල්ල උසින් ලෝකයේ දෙවැනි තැනට පත්වුණාත්, ලෝකයේ වේගවත්ම විදුලි සෝපානය භාවිතා වන්නේ  ෂැංහයි ගොඩනැගිල්ල තුලයි.

ජපානයේ මිට්ෂුබිෂී සමාගම විසින් නිපදවූ මෙම ලෝකයේ වේගවත්ම විදුලි සෝපානය විනාඩියකට මීටර් 1230ක් නැතිනම් තත්පරයකට මීටර් 20.5ක වේගයෙන් ඉහළ පහළ ගමන් කරන බව නිෂ්පාදකයින් පවසනවා.

මීටර් 587 ක් උසින් පිහිටි ෂැංහයි ගොඩනැගිල්ලේ 127 වන ඉහළම මහලට පිවිසීමට මේ විදුලි සෝපානයට ගතවන්නනේ විනාඩියකටත් අඩු කාලයක්. නවීන තාක්ෂණික ක්‍රම යොදා ගැනීම නිසා මෙවැනි වාර්තාගත වේගයක් ලබා ගැනිමට හැකි වී ඇති අතර  මගීන්ගේ ආරක්ෂාව වෙනුවෙන් විශේෂ අවධානයක් යොමුකල බව මිට්ෂුබිෂී සමාගම පවසනවා.

ලෝකයේ උසම ගොඩනැගිල්ල ලෙස සැලකෙන බර්ජ් කලීෆා හි භාවිතා වන විදුලි සෝපානයේ  වේගය තත්පරයට මීටර් 10 පමණ වන බව සඳහන්.